Bensínverð

Samkeppni á bensínmarkaðnum er töluvert öðruvísi hér í Danmörku en á Íslandi. Hér kostar bensínið sjaldnast það sama tvo daga í röð og oft breytist verðið nokkrum sinnum á dag og nú er ég bara að tala um á einni einstakri bensínstöð. Næsta bensín stöð breytir jafn mikið og tölurnar eru aldrei eins.

Það er þó ákveðin regla í þessu öllu og oftast fær maður ódýrasta bensínið á mánudagsmorgnum fyrir klukkan 10. Ég þurfti út í búð í morgun og sá að líterinn af 95 okt var á 8,37 svo ég dreif mig í að fylla bílinn vitandi að ég yrði líklega í búðinni fram yfir 10. Á leið heim sá ég að líterinn var kominn í 9,85. Við erum að tala um að líterinn fór úr 101,50 ísl kr í 119,69 á gengi dagsins, líterinn hækkaði um rúmar 18 kr og ég tók einhverja 35 lítra og sparaði mér því 630 ísl kr.

Það er dágott

Athugasemdir

[Anton Þór Harðarson, 5.3.2007 kl. 22:23]

eins er þetta hér í noregi

[Rúnar Haukur Ingimarsson, 6.3.2007 kl. 00:25]

Gott að þú ert að græða nafni :-)

Við hér á klakanum söknum þess hins vegar að hafa nánast enga samkeppni á bensínmarkaðinum.