„Vatni hleypt á brúnna"

Þessi fyrirsögn er á skagafjordur.com.

Veit ekki hvort ég er svona fáfróður um íslenskt mál en ég hef alltaf skilið það þannig þegar einhverju er hleypt á brýr, sbr umferðinni var hleypt á brúnna.

Mér finnst að vatni hljóti að vera hleypt undir brúnna.

Er að velta þessu fyrir mér, er ekki viss.

Athugasemdir

[Sveinn Arnar Sæmundsson, 22.6.2007 kl. 14:38]

Sælir.

Svei mér þá, ég rak augun í þetta líka. Merkilegt!

[Ólafur H Einarsson, 22.6.2007 kl. 18:59]

Þegar maður lærir byggingaverkfræði eða mannvirkjaverkfræði þá er þetta hægt.  Ég er handviss um að blaðamaðurinn fékk réttar upplýsingar, enda skagfirskur geri ég ráð fyrir.  Voru þeir ekki að kasta vatni hmm.... upp í vindinn og þannig skírist vatnið á brúnni.  Þetta er æfingaverkefni í verkfræðideildinni HÍ ( þriðja ári ).  Rosalega er ég fegin að þú ert að læra tölvuverkfræði og ert laus við svona æfingar.

[Árni Gunnarsson, 23.6.2007 kl. 21:21]

Ég man þá tíð að þegar lögreglan á Akureyri var að rannsaka óskunda sem unninn hafði verið í bænum voru fyrstu fréttir ævinlega á sömu lund: "Málið er í rannsókn en lögreglan telur að um aðkomumenn hafi verið að ræða."

Ég er eindregið þeirrar skoðunar að fréttin um nýju brúna (brúnna) sé frá aðkomumönnum. Þessa ályktun dreg ég af því að við Skagfirðingar látum okkur yfirleitt nægja eitt n þegar við ræðum um brúna.

Og sjálfur er ég ákveðinn í því að næst þegar ég legg leið mína norður á Krók, þá keyri ég yfir brúna (brúnna) í stað þess að sullast yfir ána (ánna).

Bestu kveðjur!