Er vont fyrir landslið aðhafa stjörnur

Hef verið að velta því fyrir mér nú eftir tvo lélega leiki íslenska landsliðsins í fótbolta hvort það sé jafnvel óhollt fyrir íslensk landslið að nota sínar stærstu stjörnur. Með þessu á ég við Eið Smára sem er mikið stærri stjarna en allir aðrir í liðinu, hann er t.d. eini landsliðsmaður Íslands sem flestir bekkjarfélagar mínir hér í Danmörku geta nefnt.  Það virðsit vera þegar hann er með að allir bíða eftir að hann reddi málunum og geri allt, leikmennirnir hætta að trúa á sjálfa sig. Eiður spilaði ekki á móti Spánverjum og Norður Írum og allir vita hvernig þeir leikir fóru, bestu leikir Íslands í meira en ár. 

Ég get líka yfirfært þetta yfir á körfuboltann. Jón Arnór Stefánsson er stærsta stjarnan í íslenskum körfubolta. Spilar fyrir margar milljónir á Ítalíu og hefur verið í NBA. Þegar hann spilar með landsliðinu þá virðst hinir leikmennirnir alltaf vera að bíða eftir að hann klári dæmið en því miður er hann bara ekki sú týpa sem getur það. Hans styrkleikar liggja í öðru, t.d. varnarleik. Jón Arnór hefur ekkert leikið með íslenska landsliðinu á þessu ári og liðið tapaði aðeins einum leik.

Kannski er þetta öðruvísi í handboltanum þar sem margir leikmenn eru stjörnur.  

Mig minnir að þetta hafi verið svipað með Ásgeir Sigurvinsson, hann nýttist aldrei landsliðinu. 

Ég er ekki að gera lítið úr Jóni Arnóri og Eið Smára, þeir eru stórkostlegir leikmenn báðir tveir. En spurningin er hvort hinir leikmenn landsliðana leiki betur án þeirra.  

Sorglegt ef þetta er satt.

Ljótur skellur Íslands í Liechtenstein

Athugasemdir

[Þórður Steinn Guðmunds, 17.10.2007 kl. 21:27]

Og heilagur hjá K.S.Í. hef aldrei verið sammála því að hann eigi að vera fyrirliði, hefðum getað komist upp úr undanriðli fyrir nokkrum árum en töpuðum úti fyrir N-írum og misstum möguleikann, Arnar þór og Eiður duttu í það 3 dögum fyrir leik, en það var bara talað um Lárus Orra og honum kennt um allt. Þetta er fyrirliði liðsins í dag.

[ViceRoy, 17.10.2007 kl. 21:48]

Ég hef sagt þetta nokkuð lengi. Á ekki að hafa menn sem Eið Smára í landsliði og það er einfaldlega af sömu ástæðum og við eigum ekki að hafa Ólaf í landsliði í handbolta.  Þegar þeir tveir spila virðast allir spila í kringum þá og leggja allt á þeirra herðar, svo þegar þeir verða fúlir og pirraðir þá dregur það liðið svakalega niður. Allir falla einhvern veginn í skuggann á þeim og halda þetta verði nú í lagi, þeir séu með heimsklassa leikmann (í fótboltanum þ.e.a.s.) og allt fer í rugl.

Spilum best virðist vera án þeirra beggja.

[Páll Jóhannesson, 17.10.2007 kl. 23:12]

,,Verðum að líta í eigin barm" segir Eiður Smári, það eru orð að sönnu.  KSÍ, leikmenn og þjálfari allir sem einn ættu að líta í eigin barm og spyrja sig þeirra spurninga, er ég að vinna mína vinnu eins og best veður á kosið?.

[Ingólfur Þór Guðmundsson, 18.10.2007 kl. 07:36]

HVA, kannast enginn í Århus við besta varnarmann Brøndby á þessu tímabili, hinn eina sanna Stefán Gíslason frá Eskifirði. Sá hinn sami og gerði garðinn frægann í u-17 ára liði Arsenal fyrir um 10 árum síðan...

Ég meina þó hann sé ekki að spila með AGF, þá hljóta danir sem eitthvað fylgjast með boltanum að kannast við hann.

Svo má nefna stórstjörnuna Gest Pálsson, fyrrum leikmann KR. Sem spilar með OB í Odense, reyndar í varaliðinu.

Margar "stórstjörnunar" sem við eigum..... hehe

[Bjarni Guðjónsson (IP-tala skráð) 18.10.2007 kl. 08:41]

Er ekki frekar málið að finna þjálfara sem geta nýtt bestu leikmennina með hinum?
Mér finnst það alltaf hæpið að sleppa bestu leikmönnunum, í hvaða íþróttagrein sem er. 

Flestir, ef ekki alllir, Íslensku leikmennirnir, hvort sem þeir eru í  knattspyrnu, handbolta eða körfubolta eru að spila í félagsliðum þar sem þeir eru klárlega ekki "stjarnan" í liðinu.   Þeim virðist ganga ágætlega þar að spila með leikmönnum sem eru "aðal", annars væru þeir ekki að spila yfir höfuð.

[Fritz (IP-tala skráð) 18.10.2007 kl. 08:44]

sælir félagar

ég verð að taka upp hanskann fyrir frænda. það eru ekki bara að leikmennirnir ætli að hann klári alla leiki og eigi að gera allt þá eru líka fréttamenn alveg ótrúlegir. Eiður var eini sem gat eitthvað á móti Lettum enn þá var ekkert talað um það sérstaklega, fékk ekkert hrós þótt hann væri ekki kannski í besta leikformi, en í gærkvöldi á hann dapran leik þótt hann verið í þessum fáu sóknum Íslands sem eitthvað urðu þá er það honum að kenna að við töpuðum. Það eru þrír  menn á Íslandi sem geta tekið boltann niður og sent hann áfram á meðherja eða tekið manninn á. en bara 2 þeirra eru í landsliðinu þetta eru Eiður, Jói Gauja og Bjarni Gauja sem er ekki valinn maður spyr sig af hverju ekki ???

 kveðja til Danmerkur úr Skagafirði

fritz

[Magnús Þór Jónsson, 18.10.2007 kl. 13:34]

Þetta finnst mér alls ekki rétt.  Það þarf bara að læra að nýta slíkan mann.  Sjáið t.d. Zidane.  Fyrst í stað var talað um að hann "legði sig ekki nægilega fram" og væri of mikill "lúxusspilari".  bæði með félags- og landsliði.  Hann varð fyrst alvöru heimsfrægur með Juventus og svo allt í einu með franska landsliðinu.

Sá hann nokkrum sinnum "live".  Hann sinnti ENGRI varnarskyldu, en um leið og liðið hans náði boltanum var leitað að honum, hann var fyrsti kostur hjá öllum, svo Djorkaeff eða Deschamps nr. 2.  Juventus og franska landsliðið náði þvílíkum árangri með því, enda maðurinn tækniteiknari í sóknarleik.  Áður var hann í frönsku landsliði, t.d. með Ginola sem var að þvælast fyrir honum, enda vildi Ginola boltann líka, þegar svo undan fór að halla hjá Madrid var þar fullt af leikmönnum sem vildu hann líka og þá átti að láta hann fara að verjast.

Í gær átti Eiður auðvitað að vera á miðjunni og teikna upp sóknarleik liðsins.  Hann var prófaður sem eini senterinn hjá Chelsea og það virkaði ekki.  Hvað þá hjá kick-and run liði Íslands í gær.

Sáum síðasta laugardag hvers hann er megnugur þegar hann var eini maðurinn á vellinum sem gat EITTHVAÐ, reyndar eftir að Grétar frændi minn fór útaf......