Nú get ég ekki orða bundist. Menn farnir að tala um að virkja vindinn á Íslandi, reisa vindmyllur. Nú hef ég búið í Danmörku í næstum 6 ár og hef vindmyllur fyrir augunum á hverjum degi og á hverjum degi hef ég þakkað fyrir að íslenskt landslag er ekki upp fyllt af þessum háu turnum með risastórum vængjum.

Vinstri grænir sem hafa kvartað og kveinað yfir að einhver spilda upp á fjöllum var tekin undir vatn og því ekki hægt að njóta hennar í framtíðinni vilja nú dreifa vindmyllum um fjöll og strandir. Hvað gerir það fyrir landslagið okkar og túristana sem koma og skoða landið?

Til fróðleiks þá er turn vindmyllu ca 105 metra hár og vængirnir sveiflast í 90 metra. Það þarf væntanlega að vera eitthvað bil á milli mylla útaf t.d. sogi. Segjum að ein vindmylla taki svæði sem er 150m x 150m. Stærstu vindmyllur í heiminum framleiða 3,6 MW og til samanburðar framleiðir Búrfellsvirkjun 270 MW, það þyrfti því 75 vindmyllur til að framleiða jafnmikla orku og Búrfell framleiðir. Kárahnjúkar framleiða 690 MW, Blanda 150 MW en nánari upplýsingar um stærð virkjana á Íslandi má finna hér.

75 myllur þar sem hver mylla tæki svæði sem er 150m x 150m myndi þekja svæði sem væri 1200m x 1350m sem eru 162 hektarar. Hið alræmda Hálslón við Kárahnjúka verður stærst 57 ferkílómetrar og það sést ekki úr mörg hundruð kílómetra fjarlægð eins og vindmyllurnar.

Svo er annað, það er vandamál í heiminum að farga svona myllum. Vængirnir eru úr trefjagleri sem er ekki hægt að farga, þeir safnast bara í hauga og tala menn t.d. um að innan skamms verði stærsta fjall Danmerkur haugur af trefjaglersvængjum.

Hér er hægt að sjá hvernig útsýnið er það sem mikið er af myllum

Það væri nú meira helvítis augnakonfektið sem myndi trekkja að túristana.

	Vindorka er niðurgreidd
Ábyrgðarmaður færslu Tilkynna um óviðeigandi tengingu við frétt

Ég hef reynt að minnka röflið hérna á blogginu en núna verð ég að tjá mig, tvær fyrirsagnir á visir.is í dag sem eru alveg út í hött. Að lið A hafi fært liði B fyrsta tapið. Hvernig í fjandanum færir maður liði tap, ég gæti samþykkt að færa liði sigur, t.d. með því með stóru klúðri undir lok jafns leiks.

En í þessum tilvikum á það ekki við, í morgun kom fyrirsögn um að Detroit hafi fært Lakers fyrsta tapið og það var hreint ekki í jöfnum leik. Svo kom núna áðan að Haukar hafi fært Stjörnunni fyrsta tapið í handbolta kvenna, heldur ekki í jöfnum leik.

Þeir sem skrifa á visir.is hafa þann leiða ósið að skrifa ekki alltaf undir nafni, ég veit því ekki hver hefur skrifað þetta en ég mæli með að sá maður fari í endurmenntun í íslensku.

Þetta gerist nú víðar, t.d. spiluðu Island og Danmörk í B deild Evrópukeppni karla í haust í Laugardalshöll. DAnir vildu sýna leikinn beint en það var enginn til að taka leikinn upp á Íslandi. Allir sögðu nei.

En ég er hjartanlega sammála, þetta er leiðinlegt en það er ekki hægt að borga hvað sem er fyrir svona.

Áfram stelpur.

	Leikur Írlands og Íslands ekki sýndur
Ábyrgðarmaður færslu Tilkynna um óviðeigandi tengingu við frétt

Mikið væri gaman ef Rúmenar ynnu, skilja Frakka og Ítali eftir væri mér mikið gleðiefni.

Vona líka að Austurríki vinni Þjóðverja, veit að það er langsótt, en ég vona samt.

Annars gaman hvað eru skoruð mörg mörk í þessu móti, ekki eins og síðast þegar hið hrútleiðinlega lið Grikkja vann.

Vantar samt England og Danmörku, ég er bara þannig gerður.

	Hollendingar mega hvíla lykilmenn
Ábyrgðarmaður færslu Tilkynna um óviðeigandi tengingu við frétt

Þetta var of auðvelt, Utah vann þó allavega 2 leiki gegn Lakers.

En nú er að bíða eftir að Boston - Detroit klárist í 7. leik, ekki fræðilegur að Boston vinni aftur í Detroit.

En Sævar, þú verður að fara að finna tilboð  á Vallas, ég mæti til Íslands 28. júní og get tekið við þessu, verða Hellu fyrstu vikuna, annars í Rvík.

	Lakers í úrslit eftir stórleik frá Bryant
Ábyrgðarmaður færslu Tilkynna um óviðeigandi tengingu við frétt