Ekki fengu allir

Á mínu heimili eru nokkrir gsm símar, þetta sms kom í síma 10 ára dóttur okkar. Ég hef enn ekki fundið annan sem fékk þetta sms.

Það væri gaman að vita hvernig fundin eru númer í svona grúppu.

Fengu sms frá almannavörnum

Það væri nú meira augnkonfektið

Nú get ég ekki orða bundist. Menn farnir að tala um að virkja vindinn á Íslandi, reisa vindmyllur. Nú hef ég búið í Danmörku í næstum 6 ár og hef vindmyllur fyrir augunum á hverjum degi og á hverjum degi hef ég þakkað fyrir að íslenskt landslag er ekki upp fyllt af þessum háu turnum með risastórum vængjum.

Vinstri grænir sem hafa kvartað og kveinað yfir að einhver spilda upp á fjöllum var tekin undir vatn og því ekki hægt að njóta hennar í framtíðinni vilja nú dreifa vindmyllum um fjöll og strandir. Hvað gerir það fyrir landslagið okkar og túristana sem koma og skoða landið?

Til fróðleiks þá er turn vindmyllu ca 105 metra hár og vængirnir sveiflast í 90 metra. Það þarf væntanlega að vera eitthvað bil á milli mylla útaf t.d. sogi. Segjum að ein vindmylla taki svæði sem er 150m x 150m. Stærstu vindmyllur í heiminum framleiða 3,6 MW og til samanburðar framleiðir Búrfellsvirkjun 270 MW, það þyrfti því 75 vindmyllur til að framleiða jafnmikla orku og Búrfell framleiðir. Kárahnjúkar framleiða 690 MW, Blanda 150 MW en nánari upplýsingar um stærð virkjana á Íslandi má finna hér.

75 myllur þar sem hver mylla tæki svæði sem er 150m x 150m myndi þekja svæði sem væri 1200m x 1350m sem eru 162 hektarar. Hið alræmda Hálslón við Kárahnjúka verður stærst 57 ferkílómetrar og það sést ekki úr mörg hundruð kílómetra fjarlægð eins og vindmyllurnar.

Svo er annað, það er vandamál í heiminum að farga svona myllum. Vængirnir eru úr trefjagleri sem er ekki hægt að farga, þeir safnast bara í hauga og tala menn t.d. um að innan skamms verði stærsta fjall Danmerkur haugur af trefjaglersvængjum.

Hér er hægt að sjá hvernig útsýnið er það sem mikið er af myllum

Það væri nú meira helvítis augnakonfektið sem myndi trekkja að túristana.

Vindorka er niðurgreidd

Segir mest um fólkið sjálft

Hef aldrei skilið almennilega þessar fréttir um fólk sem fellur í svona „pytti", segir mest um það sjálft að trúa að enginn skoði það sem það setur á netið.

Ég yrði fúll ef það yrði skrifuð frétt um mig á fréttamiðlum um hversu vitlaus ég væri, vona að sá dagur renni aldrei upp.

Falla í pytti á Facebook

Hvernig færir maður liði tap?

Ég hef reynt að minnka röflið hérna á blogginu en núna verð ég að tjá mig, tvær fyrirsagnir á visir.is í dag sem eru alveg út í hött. Að lið A hafi fært liði B fyrsta tapið. Hvernig í fjandanum færir maður liði tap, ég gæti samþykkt að færa liði sigur, t.d. með því með stóru klúðri undir lok jafns leiks.

En í þessum tilvikum á það ekki við, í morgun kom fyrirsögn um að Detroit hafi fært Lakers fyrsta tapið og það var hreint ekki í jöfnum leik. Svo kom núna áðan að Haukar hafi fært Stjörnunni fyrsta tapið í handbolta kvenna, heldur ekki í jöfnum leik.

Þeir sem skrifa á visir.is hafa þann leiða ósið að skrifa ekki alltaf undir nafni, ég veit því ekki hver hefur skrifað þetta en ég mæli með að sá maður fari í endurmenntun í íslensku.

Við verðum seint Skandinavar

Ég hef lært það á því að búa hér í Danmörku að við Íslendingar verðum seint Skandinavar, raunar bara Svíar og Norðmenn sem geta kallað sig það enda ligga löndin bæði að Skandinavíu. Íslendingar geta hins vegar verið Norðurlandabúar.

Þetta er svolítið skot í fótinn finnst mér. En ég bý svo sem ekki í Bretlandi, mörgum Dönum finnst Íslendingar hafa farið óskynsamlega með peninga en þeir álíta okkur ekki hryðjuverkamenn og ég hef að mestu fundið samúð vegna ástandsins, allavega ekki andúð. 

Íslenskur Skandinavi í London

Þetta gerist nú líka á Íslandi

Þetta gerist nú víðar, t.d. spiluðu Island og Danmörk í B deild Evrópukeppni karla í haust í Laugardalshöll. DAnir vildu sýna leikinn beint en það var enginn til að taka leikinn upp á Íslandi. Allir sögðu nei.

En ég er hjartanlega sammála, þetta er leiðinlegt en það er ekki hægt að borga hvað sem er fyrir svona.

Áfram stelpur.

Leikur Írlands og Íslands ekki sýndur

Áfram Rúmenar

Mikið væri gaman ef Rúmenar ynnu, skilja Frakka og Ítali eftir væri mér mikið gleðiefni.

Vona líka að Austurríki vinni Þjóðverja, veit að það er langsótt, en ég vona samt.

Annars gaman hvað eru skoruð mörg mörk í þessu móti, ekki eins og síðast þegar hið hrútleiðinlega lið Grikkja vann.

Vantar samt England og Danmörku, ég er bara þannig gerður.

Hollendingar mega hvíla lykilmenn

Sláandi fyrirsögn

Hann hefur ekki verið alveg vaknaður sá sem skrifaði fyrirsögnina á þessa frétt í morgun.

„Verðsti jarðskjálfti..."

Ekki mikið meira um þetta að segja, spurning um að bjóða starfsmönnum mbl.is upp á Villuleit á Púka eins og okkur bloggurum er boðið upp á.

Versti jarðskjálfti í 30 ár

Skrár tengdar þessari bloggfærslu:

• c_documents_and_settings_runar_my_documents_my_pictures_mblbull.jpg

Flottir forritarar á mbl.is

Undanfarna daga er búin að vera auglýsing hægra megin á mbl.is sem telur niður í fyrsta leik í Íslandsmótinu í fótbolta. Ég var að horfa á auglýsinguna rétt áðan og sá að það stóð 0 dagar 1 klst 48 mín og einhverjar sekúndur. Ég fór að hugsa er virkilega spilað klukkan 12 á hádegi í dag? Fór á KSÍ og sá að fyrsti leikur er kl 14.

Þá rann upp fyrir mér ljós, forritararnir sem hafa búið til þessa auglýsingu tékka á hvað klukkan er í viðkomandi tölvu/minni tölvu til að telja niður. Ég er á dönskum tíma og því eðlilegt að það seú 0 dagar 1 klst 48 mín og einhverjar sekúndur í að klukkan verði 14 hérna í Danmörku.

Þetta kalla ég óvönduð vinnubrögð

Körfuboltinn hefur leyst þetta

Einu sinni var það þannig að það voru fullt af Bandaríkjamönnum í mörgum landsliðum. Alþjóða körfuknattleikssambandið, FIBA hefur leyst þetta með því að setja reglu um að í hverju lansliði má aðeins vera einn leikmaður sem hefur skipt um ríkisfang.

Man að ég heyrði um landslið Möltu sem var eingöngu skipað Bandaríkjamönnum á sínum tíma.

Vill hærri „þröskuld“