Nýr og betri Feykir

Ég fæ blaðið Feyki sent hingað til mín stundum, hef alltaf haft gaman af að fylgjast með hvað er að gerast í Skagafirðinum. Undanfarin ár hefur mér þó þótt lítið markvert í blaðinu en nú um áramótin tók við nýr ritstjóri og þvílík breyting. Nú stoppar maður á hverri opnu til að lesa eitthvað. Til hamingju Feykismenn. ps prófarkarlesarinn virðist stundum út á þekju en það hlýtur að lagast.

Hetja

Þessi maður er hetja í augum Dana, hef ekki trú á að hann fái þungan dóm.

Finnst annars þetta magnað hjá kallinum, hræðir kannski einhverja sauði frá því að ræna verslanir.

Viðskotaillum úrsmið sleppt úr haldi

Bensínverð

Samkeppni á bensínmarkaðnum er töluvert öðruvísi hér í Danmörku en á Íslandi. Hér kostar bensínið sjaldnast það sama tvo daga í röð og oft breytist verðið nokkrum sinnum á dag og nú er ég bara að tala um á einni einstakri bensínstöð. Næsta bensín stöð breytir jafn mikið og tölurnar eru aldrei eins.

Það er þó ákveðin regla í þessu öllu og oftast fær maður ódýrasta bensínið á mánudagsmorgnum fyrir klukkan 10. Ég þurfti út í búð í morgun og sá að líterinn af 95 okt var á 8,37 svo ég dreif mig í að fylla bílinn vitandi að ég yrði líklega í búðinni fram yfir 10. Á leið heim sá ég að líterinn var kominn í 9,85. Við erum að tala um að líterinn fór úr 101,50 ísl kr í 119,69 á gengi dagsins, líterinn hækkaði um rúmar 18 kr og ég tók einhverja 35 lítra og sparaði mér því 630 ísl kr.

Það er dágott

Gott mál

Magnað hjá stráknum. Bologna er í öðru sæti deildarinnar og á gengur mjög vel í FIBAEuroCup.

Svo finnst mér aldrei leiðinlegt þegar JAS vinnur Christian Drejer.

Líka gott mál að Mogginn sé snöggur með fréttina, greinilega góðir menn á vakt um helgina.

Jón Arnór skoraði 7 stig í sigurleik Lottomatica Róma

Aðrar síður

Það eru kannski einhverjir sem hafa áhuga á að skoða gamla bloggið mitt eða skoða myndir af stelpunum.

Svo tók ég eftir að það var verið að rukka mig um gamalt loforð í gestabókinni. Get frætt viðkomandi um að bókin kom út 2001, ég var búinn að gleyma þessu loforði. Hún getur keypt bókina hjá KKÍ og ég skal árita hana næst þegar ég verð á Íslandi. Bókin heitir Leikni framar líkamsburðum.

Reif reikninginn í öreindir

Á visir.is er að finna þessa frétt, veit að við erum á Moggabloggi en nenni ekki að vera með blogg líka á visir.is

Þorsteinn Rafn Johnsen, formaður handknattleiksdeildar Stjörnunnar, var foxillur út í þá Gísla Hlyn Jóhannsson og Hafstein Ingibergsson sem dæmdu leik Fram og Stjörnunnar í gær.

Þorsteini var mikið niðri fyrir þegar hann hitti blaðamann Fréttablaðsins eftir leikinn og sagði að þeir hefðu eyðilagt tímabil Stjörnunnar með frammistöðu sinni í gær, tók síðan upp reikninginn frá dómurunum og reif hann í öreindir fyrir framan blaðamann. Sagði ekki koma til greina að borga reikninginn og það fengi HSÍ að vita strax eftir helgi.

Ég segi nú bara, mikið vona ég að þessi maður fái þá refsingu sem hann á skilið. Hann getur allavega ekki látið sig dreyma um að leikur verði dæmdur hjá honum aftur nema greiðsla komi fyrir leik.

 

Myndir af almyrkvanum

Hér í Danmörku var að mestu skýjað en rofaði til um tíma og nágranni minn tók skemmtilegar myndir

Almyrkvi á tungli

Drengirnir hannaðir af Jóakim

Þeir voru góðir sjónvarpsmennirnir á TV2 news. Þegar þau hjón gengu út til að láta mynda sig fyrir slúðurblöðin og drengirnir hennar voru sitthvoru megin við þau.

Þá sagði þulurinn að föt Martins væru hönnuð af einhverjum, kjóll Alexöndru af einhverjum og svo bætti aðstoðarþulurinn við: "Og drengirnir hannaðir af Jóakim".

Alexandra greifynja gifti sig í dag

Alexandra giftir sig

Jæja þá er hún Alexandra að fara að gifta sig, stór dagur í Danaveldi. Nú þarf hún að fara að borga skatta aftur.

 

Óli nágranni ætlar að kíkja í heimsókn til að horfa á því hann er ekki með TV2 news.

 

Annars eru bölvuð læti í Köben, ágætt að maður er bara í sveitinni.

Fylkir rvíkurmeistari

Til hamingju með þetta félagi Leifur

Fylkir fagnaði sigri á Reykjavíkurmótinu