Hver borgar?

Þetta er skrýtið mál.

Heyrði talað við einhvern forkólf slysavarnarmála sem sagði að þetta væri vant fólk sem myndi láta vita af sér, hefðu allan búnað til þess.

Hvað klikkaði hérna? Hver sagði að þau væru týnd?

Og hver borgar þessa leit?

Kajakræðarar fundnir heilir á húfi

Athugasemdir

[Sigurður Viktor Úlfarsson, 11.6.2007 kl. 12:36]

Við borgum fyrir leitina með flugeldunum okkar og sköttunum okkar.  Útlendingar týnast á Íslandi og Íslendingar týnast í útlöndum.  Þannig er það bara.  Ef við viljum fá tekjurnar af erlendum ferðamönnum þá þurfum við einnig að taka á okkur gjöldin þegar einn ferðamaður af hverjum ca. fimmtíu þúsund týnist.  Við græðum þá á tugum þúsunda ferðamanna og töpum á einum og einum.

Hitt er miklu hættulegra að láta fólk greiða fyrir leitina.  Þá fer það að hafna aðstoð jafnvel þótt það þurfi á henni að halda þangað til allt er komið í óefni.  Það kerfi er í gangi t.d. varðandi skip.  Útgerðir og tryggingarfélög skipanna greiða björgunargjöld upp á margar milljónir sé skipi þeirra bjargað úr sjávarháska.  Þess vegna neita forsvarsmenn útgerða og skipstjórar stundum björgun þangað til allt er komið í óefni.  Dæmi um það er t.d. þegar Vikartindur fórst í fjörunni við Þykkvabæ á sínum tíma.  Þar var varðskip og björgunarlið komið á staðinn en skipstjórinn neitaði aðstoðinni þangað til allt var um seinan sem olli auðvitað margföldu tjóni, svo ekki sé minnst á skipverjann á varðskipinu sem tók út í öllum látunum og lést.

Ef við þurfum að velja á milli núverandi kerfis og björgunarlaunakerfisins þá er enginn spurning hvort kerfið við veljum.

[Brynjar Hólm Bjarnason, 11.6.2007 kl. 15:28]

Það er vel hægt að gera kröfu um tryggingar hjá aðilum sem ætla í svaðilfarir hér uppi á Fróni og gera þeim grein fyrir hættum og viðbrögðum þegar það breytir út af áætlun. Þetta er gert annarstaðar og þykir bara alveg sjálfsagt.

[Guðný Jóhannesdóttir, 13.6.2007 kl. 15:14]

Þú og ég Rúnar Þú og ég

en um áramót erum við svo glöð að okkur er alveg sama.  En að öðru, hetjan þú með flottri mynd er kominn á síður Feykis.  

[Rúnar Birgir Gíslason, 13.6.2007 kl. 18:05]

Ætla reyndar að neita að ég borgi, er fátækur námsmaður sem á ekkert og borga enga skatta.

En það verður spennandi að sjá hvort skrif mín í Feyki vekja einhver viðbrögð eða hvort fólk er almennt búið að missa áhugann á þessu málefni.