Markvörður markahæstur

Þetta minnir mig á 3. deild NA fyrir ca 25 árum. Þá var Keflvíkingurinn Þorsteinn Ólafsson markvörður Magna frá Grenivík og eftir 2 umferðir í deildinni var hann markahæstur í deildinni með 2 mörk.

Magni spilaði fyrstu leikina á möl og þar skoppaði boltinn vel og hann skoraði tvisvar úr útsparki.

En það er nú langur vegur frá 3. deild NA á Íslandi til ensku úrvalsdeildarinnar, þar eiga svona hlutir ekki að gerast. Hvað þá hjá þeim markverði sem sagður er besti enski markvörðurinn í dag, kannski var þetta pilla frá Robinson, að benda Foster á að að hann ætti ekkert að vera að reyna að stela sætinu í landsliðinu.

Robinson markvörður skoraði af um 80 metra færi

Steinar Arason

Eins og hinn magnaði blaðamaður Morgunblaðsins hefur skrifað á blogg sitt og tengt þessari frétt þá er Steinar Arason en ekki Kárason eins og stendur í fréttinni. Líka skondið í ljósi þess að í beinni útsendingu á heimasíðu KR var hann alltaf Aronsson.

Áfram karfa

Bikarmeistarar ÍR leggja KR á útivelli

Vantar

Hér vantar að kínverska karlalandsliðið í körfuknattleik heimsótti Ísland 1980 og lék 3 leiki gegn Íslendingum.

Úrslit urðu eftirfarandi

Dags             Staður    

  9.10.1980   Reykjavík   Kína 89 90 -1  

11.10.1980   Borgarnes   Kína 83 93 -10  

12.10.1980   Njarðvík   Kína 96 85 11

Íslendingar gegn Kínverjum

Æfingaferð til Fjarkanistan

Ég segi enn og aftur, afhverju fara Íslendingar ekki í mánaðarferð til Fjarkanistan og spila helling af leikjum við smá þjóðir og vinna stóra sigra. Það myndi fleyta þeim hátt á þessum lista miðað við hvernig hann er reiknaður.

Argentínumenn í 1. sæti á stigalista FIFA

Í boði hvers

Hverjir ætli það séu sem borga þetta? Á síðasta ári kom Clinton til Köben til að halda fyrirlestur fyrir starfsmenn Baugs, það vakti mikla athygli.

Ætli þetta sé Baugur aftur eða að dönsk fyrirtæki hafi tekið þá til fyrirmyndar?

Eða eru Clinton og Annan kannski bara á "tour"?

Það verður annars nóg af fyrirmennum í Árósum í sumar, George Michael með tvenna tónleika í maí, Clinton og Annan, Metallica í júlí og svo er jafnvel von á Police.

Ekki kæmi á óvart þó Barcelona kæmi enn eitt árið í æfingaferð.

Svo er Rúnar Gísla líka hér ca 11 mánuði á ári ;)

Bill Clinton og Kofi Annan heimsækja Árósa

17 gráður

19,5 gráður á Celcius stóð á mælinum í bílnum um hádegið, keyrði svo af stað og inn í bæinn og mælirinn sýndi 17 gráður alla leiðina.

Það er vor í lofti.

Hugsa að afi hefði verið kátur allt sumarið með svona veður í heyskapnum.

Útflutningsvara Bolvíkinga

Bolvíkingar ættu kannski að kynna þessa hugmynd fyrir Dönum, í síðstu viku voru fréttir af því að ráðherra var að skora á Dani að eiga fleiri börn.

Þetta gæti kannski skapað tekjur fyrir Bolvíkinga, selja hugmyndina.

Von á tveimur ástarvikubörnum í Bolungarvík

Nyhedsavisen brotlegir

Ég skrifaði hér í síðustu viku að á baráttudegi kvenna í síðustu viku skrifuðu einungis konur í blaðið. Nú er komið í ljós að þetta var ólöglegt að hindra karlmenn í að sinna vinnu sinni og gæti farið svo að blaðið verði kært. Það eru til fordæmi fyrir slíkum dómum og var sektin í því tilviki um 50 þús ísl kr. 

Þá var bent á að ef einunigs karlmenn hefðu skrifað í blaðið þá hefði allt orðið brjálað.

Bjór er ekki bara Tuborg og Carlsberg

Ég er nú ekki þekktasti bjórdrykkjumaður í heimi, hafði svo sem alltaf gaman að fara í Ríkið í gamla daga með pabba og mömmu og velja flottustu flökkuna hverju sinni. En hér í Árósum kynntist ég manni sem er mikill bjóráhugamaður, kannski frekar bjórnörd. Mér fannst þetta einkennilegt áhugamál til að byrja með en setti svo hlutina í samhengi. Bjórinn er honum eins og körfuboltinn er mér, stórt áhugamál. Ég hef hlustað á hann oft tala um bjór og er farinn að hafa áhuga á þessu þó ég drekki þá ekki, en lykta oft og er farinn að skilja aðeins mun á stílum og afbrigðum. Félaginn heldur úti heimasíðu þar sem hægt er að finna allskyns fróðleik um bjór og dóma hans á hinum og þessum tegundum. Margir Íslendingar átta sig nefnilega ekki á því að bjór er ekki bara Tuborg, Carlsberg og Egils. Það eru til ótrúlega mikið af allt öðrum tegundum. Það er kannski lýsandi fyrir íslenska hugsunarháttinn að þegar ég fór að skoða úrvalið af bjór í Fríhöfninni þá sá ég að það var frekar fátæklegt. Sendi tölvupóst á innkaupastjóra Fríhafnarinnar sem ég kannast við og spurði hvers vegna hann væri með svona lítið úrval. Hann sagði það ekki passa, hann hefði 10 tegundir af bjór til sölu. Ég benti honum á að hann væri með einn bjór í 10 mismunandi flöskum. Hef ekki heyrt í honum síðan.

Boltabullur á Íslandi

Er nú komnar boltabullur í íslenskar íþróttir? Freistandi að segja að þetta séu bara handboltamenn en þetta getur komið fyrir í öllum íþróttum.

Vont ef svona lagað fer að verða daglegt brauð á Íslandi

Átök á áhorfendapöllum Laugardalshallar